Во Романија денеска е втор ден од референдумот на кој граѓаните на оваа земја се изјаснуваат за нов устав. Референдумот воедно претставува и испитување на волјата на граѓаните за влез во Европската унија. Како што јавуваат агенциите, одзивот на граѓаните во текот на вчерашниот ден бил околу 8 проценти, а за успешност на референдумот потребно е да излезат повеќе од половината регистрирани гласачи. Инаку новиот устав е целосно усогласен со европското законодавство.
