Македонскиот претседател Борис Трајковски, придружуван од министерот за финансии Петар Гошев, денеска ќе отпатува во тридневна работна посета на Јапонија. Цел на посетата, како што е соопштено во Скопје, е интензивирање на политичките и економските односи и продлабочување на трговската соработка меѓу двете земји. Предвидено е да бидат разменети ноти за кредитот што го одобри јапонската влада за изградба на хидро системот Злетовица.
