За албанското национално движење, кое во 2001 година можеше да очекува брза независност на Косово, стабилизацијата на состојбите на Балканот би била пораз, а косовоското прашање повторно би можело да се отвори преку Македонија, пишува во денешниот број на весникот Право, чешкиот историчар Јан Пеликан. Албанците на Косово и во Македонија во последните 4 години постигнаа парцијални успеси, но не е остварена конечната цел, а големите сили денес тешко дека ќе се согласат на измена на границите. Пеликан заклучува дека ситуацијата во Македонија е повторно експлозивна како пред две години, а во економската беда не помагаат магливите ветувања за европските интеграции и оти ја чека неизвесна иднина.