Велика Британија предложи нацрт-резолуција во Советот за безбедност на Обединетите Нации со кој би се укинале санкциите против Либија, воведени во 1992 година, по соборувањето на авионот на Пан-американ над Локерби кога загинаа 270 луѓе. Можно е само Франција да биде против со цел да ја принуди Либија да исплати одштета за уривањето на еден француски авион над Нигер во 1989 година.
