Соединетите Држави се надеваат дека неделава во Советот за безбедноста на Обединетите Нации ќе се гласа за новата резолуција за Ирак со цел преодната влада да добие меѓународна легитимност, се дознава од извори на Светската Организација. Овој чекор доаѓа и по вчерашната изјава од Египет дека арапските држави нема да го признаат 25 члениот ирачки Совет. Американскиот предлог треба да овозможи и воспоставување мисија на Обединетите Нации во Ирак која ке помогне во реконструкцијата на земјата.
