Албанскиот министер за надворешни работи Илир Мета синоќа поднесе оставка поради, како што наведува во образложението, несогласувањата со премиерот Фатос Нано. „Не можам да ги прифатам хипокризијата и авторитаризмот на Нано кој сака министерството за надворешни работи да го стави под своја контрола“ - наведува Мета кој го обвинува премиерот Нано дека води персонална политичка акција со цел – да го отстрани него од местото шеф на дипломатијата. И Нано и Мета се членови на Социјалистичката партија.
