Јужнокорејската морнарица денеска, како што јавуваат агенциите, со предупредувачки истрели принудила три севернокорејски рибарски бродови да ги напуштат водите на Јужна Кореа. Нема извештаи за повредени или за материјална штета. Ваквите инциденти зачестуваат во овој период од годината, бидејќи севернокорејските рибари навлегуваат во водите на Јужна Кореа поради сезоната на фаќање ракови.
