Стапката на смртност во светот од вирусот САРС изнесува 14 до 15 проценти , скоро двапати повеќе од претходните проценки. Ова денеска го соопшти Светската здравствена организација, додавајќи дека за лицата постари од шеесет и пет години таа стапка е значително поголема – скоро половината од заразените умираат. Досега во светот од САРС-от починаа над петстотини, а се заразени повеќе од седум илјади лица.
