Министрите за здравство на земјите членки на Европската Унија се согласија за координирани акции за спречување на ширењето на атипичната пневмонија САРС. На состанокот одржан вчера во Брисел е договорено вложување на дополнителни 23 милиони долари за истражување и пронаоѓање вакцина против оваа фатална заразна болест. Во Европа се регистриранби 33 можни случаи на САРС, додека трагичниот биланс во светот веќе се искачи на речиси 500 починати и повеќе од седум илјади заразени луѓе.