Во повеќе градови во светот денеска продолжуваат демонстрациите против војната во Ирак. Во вчерашните протести во главниот град на Јемен – Сана, три лица загинаа во судирите со полицијата кои избувнаа откако демонстрантите се обидоа да влезат во американската амбасада. Судири со полицијата имаше и во Каиро и во Атина, додека во Брисел полицијата употреби водни топови. Во Сан Франциско полицијата уапси шеесетина демонстранти.
