Белата Куќа денеска соопшти дека во текот на идната недела пред Советот за безбедност на ОН, ќе ја достави новата резолуција за воена интервенција во Ирак, предложена од Шпанија, Британија и Соединетите држави, и во случај да не ја добие потребната поддршка за нејзино изгласување. Генералниот секретар на Обединетите Нации Кофи Анан, денеска пак апелираше до членките на Советот за безбедност да излезат од „ќорсокакот и да изнајдат решение за ирачката криза“.
