Според дипломатски извори во Брисел, се очекува во текот на неделава, НАТО и Европската Унија да го потпишат финалниот договор со кој на Европските одбранбени сили ќе им се овозможи пристап до воените и планирачките капацитети на НАТО. Официјални претставници на НАТО за Радио Слободна Европа, изјавија дека „одредени практични детали сеуште треба да се договорат“. Се очекува НАТО да ја даде согласноста за предавање на мисијата ,,Сојузничка хармонија“ во Македонија на европските воени структури, кон крајот на март.
