Генералниот секретар на Обединетите Нации Кофи Анан отпатува за Кипар со надеж за надминување на разликите меѓу двете страни, на поделениот остров. Планот на Обединетите нации за решавање на кипарскиот проблем за кој Анан се надева дека ќе биде потпишан најдоцна до петок, предвидува формирање на нова „Соединета Кипарска република“. Анан денеска во Никозија на раководството на кипарските Грци и Турци ќе им ја достави третата новелирана верзија на планот.
