Северноатлантската алијанса се состана денеска во Брисел во нов обид да најде решение по несогласувањата околу ирачката криза. По 90 минути состанокот е прекинат, а разговорите ќе бидат продожени подоцна во текот на денот. Дипломатски извори соопштуваат дека Генералниот секретар на НАТО Џорџ Робертсон се очекува да предложи изменет план за одбрана на Турција, доколку Соединетите држави започнат војна против Ирак, за да се надмине кризата во НАТО.
