Граѓаните на Црна Гора денеска повторно ќе се обидат да изберат претседател на Републиката, по неуспешните избори мината година. 475 илјади граѓани со право на глас, ќе избираат меѓу девет председателски кандидати. Според анкетите најголеми шанси за победа има Филип Вујановиќ. Гласањето ќе трае до 21 часот, а еден час подоцна ќе се знае дали денешните избори се успешни.
