Северна Кореа денеска ја повтори намерата да ја реактивира својата нуклеарна програма, но со објаснување дека станува збор за мирољубиви цели, а не за развивање нуклеарно оружје. Официјален Пјонгјанг ги обвини Соединетите Држави дека шири дезинформации. Меѓународната агенција за атомска енергија вчера соопшти дека Северна Кореа пренесува нови залихи радиоактивен материјал за реакторот во Јонгбјун. Вашингтон смета дека во овој реактор може да се произведува плутониум за нуклеарно оружје.
