Шефот на инспекторскиот тим на Обединетите Нации за оружје Ханс Бликс побара од Ирак да му достави список на научници и други лица кои сега или порано биле вклучени во ирачките програми за производство на хемиско и биолошко оружје. Во меѓувреме, инспекторите денеска ја започнаа контролата во еден медицински центар во близина на Багдад. Тоа вчера им беше оневозможено, бидејќи никој не знаел каде е чуварот кој требало да им ја отвори вратата на центарот.