Американскиот државен секретар Колин Пауел изјави дека вчерашниот говор на претседателот Џорџ Буш пред Генералното собрание на Обединетите нации не бил објава на војна против Багдад.„Тоа беше предупредување до меѓународната заедница да го разоружа Ирак. Тоа беше порака дека дојде време да се стори нешто“ - изјави Пауел пред Националниот одбор за американската надворешна политика – независен центар за меѓународни студии во Њујорк.
