На Косово се уапсени петмина Алжирци затоа што фотографирале воени објекти во покраината, пренесуваат агенциите повикувајќи се на анонимен западен дипломат на Косово. Според истиот извор во тек е истрагата која треба да утврди дали уапсените се поврзани со екстремистичките исламистички организации вмешани во терористички активности. Апсењето кое е извршено пред две недели го потврди и КФОР.
