Перспективите за стабилност на југоисточна Европа – се тема на неформалната средба на премиерите на шест балкански земји што на покана од австрискиот канцелар се одржува во Салзбург. Покрај шефовите на владите на Македонија, Србија, Албанија, Бугарија, Романија и Босна на тркалезната маса учествуваат и домаќинот, австирскиот канцелар Шисел, министерот за надворешни работи на таа земја, и специјалниот координатор на Пактот за стабилност Ерхард Бусек.
