Во хашкиот трибунал денеска, со сведочењето на бившиот шеф на државната безбедност на Југославија Радомир Марковиќ продолжи судењето против Слободан Милошевиќ. По денешната сесија, како што е планирано, ова судење ќе биде прекинато четири недели. Вчера главниот судија Ричард Меј соопшти дека медицинските испитувања покажале оти на Милошевиќ сериозно му се заканува срцев удар и оти затоа му треба одмор.
