Следната недела младите ќе дискутираат за проблемите кои, според нив, го обликуваат нашето општество. Конкретно, ќе зборуваат, ќе се едуцираат и ќе бараат решенија за квалитетно образование и климатски промени.
„AIESEC“ организира „YouthSpeak Forum“, проект со цел обебедување платформа во која младите ќе имаат можност да го искажат својот глас, да се едуцираат за модерните проблеми на локално и глобално ниво, од истомислени компании и организации, кои се залагаат за општествен развиток и соодветно вклучување во дискурсот за нивно решавање, притоа обезбедувајќи посветла иднина за сите нас по пат на ангажирање на висококвалитетна младина која воедно ќе биде главниот двигател на општествените промени во иднина.
„Според младите, квалитетното образование и климатските проблеми се главните проблеми кои го обликуваат нашето општество! Дво-дневен настан посветен на гласот на младите, едукација за овие проблеми, многу дискусии, но и многу решенија кои ќе бидат донесени заедно со приватниот и невладиниот сектор!“, стои во најавата за настанот.
Организацијата ги вклучува младите во проекти кои се базирани на Целите за oдржлив rазвој на Обединетите Нации до 2030 година, а овој проект е дел од таа програма. Со организацијата се опфатени повеќе од 100 земји.
„YouthSpeak Forum“ ,исто така, овозможува проширување на мрежата на контакти со влијателни претставници од приватниот и невладиниот сектор како и директен, позитивен импакт на општеството. YSF е наменет за спојување на истомислени поединци и организации со цел активно ангажирање и креирање нови можности за младите во Македонија.
Настанот ќе се одржува вируелно, овозможувајќи им на сите млади во државата од секаде да присуствуваат на 21 и 22 мај. Учеството е бесплатно.
AIESEC е најголемата младинска, светска организација која има за цел развој на младите преку добивање на можност да го истражат и развијат својот лидерски потенцијал, а преку тоа да ги подобриме квалитетот и условите за живеење во општеството во целина за сите.
Организацијата е присутна во повеќе од 114 земји и територии, и работи на активирање на лидерство кај младите од 1948. До сега има над 1.000.000 млади луѓе поминале низ AIESEC искуството.
