Достапни линкови

Злато, сребро и две бронзи за најмладите македонски математичари


Илустрација - математичка задача на училишна табла
Илустрација - математичка задача на училишна табла

На 24-та Јуниорска балканска математичка олимпијада, македонскиот тим освои еден златен, еден сребрен и два бронзени медали.

Најмладите македонски математичари се натпреваруваа на ЈБМО, за ученици до 15,5 години, што се одржа од 9-ти до 13-ти септември, а виртуелен домаќин на настанот беше Грчкото математичко друштво.

Оваа година на олимпијадата учествувале 10 балкански држави и осум други држави – гости. Екипата на секоја држава се состоеше од шест натпреварувачи, водач и заменик водач.

Медалистите во македонскиот тим се Никола Спировски, ученик од IX одделение при ОУ „Ј. Х. Песталоци“-Скопје, кој освои златен медал, Дамјан Давков, ученик од VII одделение при ООУ „Ванчо Прке“-Штип, сребрен, а бронзени медали освоија Никола Цветаноски ученик од IX одделение при ООУ „Ѓорѓија Пулевски“-Скопје и Марија Атанасова, ученичка од IX одделение при ООУ „11 Октомври“-Скопје.

„Нашата екипа беше избрана преку системот на натпревари, кои како и секоја година ги организира и реализира Сојузот на математичари на Македонија (СММ). Оваа година, со оглед на околностите, потребни беа поголеми организациски напори од страна на СММ и целиот циклус заврши само неколку денови пред олимпијадата“, информираа од СММ.

Македонскиот тим на 23-то онлајн издание на Јуниорска балканска математичка олимпијада
Македонскиот тим на 23-то онлајн издание на Јуниорска балканска математичка олимпијада

Македонската екипа ја претставуваа и Никола Спировски ученик од IX одделение при ОУ „Ј. Х. Песталоци“-Скопје, Матеј Гелев ученик од IX одделение при ООУ „Блаже Конески“-Велес и Емилија Николовска ученичка од IX одделение при ООУ „Григор Прличев“-Охрид. Водач беше Делчо Лешковски, а заменик водач Борче Јошевски.

Натпреварувачите беа сместени во просториите на Природно-математичкиот факултет во Скопје, од каде виртуелно се реализирал целиот натпревар, со посредство на видео-конференциска врска со домаќинот.

XS
SM
MD
LG