Достапни линкови

Кампања против дезинформациите за коронавирусот


Дезинформациите за коронавирусот опасни како него
please wait

No media source currently available

0:00 0:02:19 0:00

Дезинформациите за коронавирусот опасни како него

Светската здравствена организација соопшти дека работи деноноќно со гигантите на социјалните медиуми за борбата против дезинформациите околу смртоносниот коронавирус. Нивното ширење, како што е наведно, им нанесува големи штети, не само во борбата против инфекцијата, туку и во економската сфера.

„Не грижете се. Не е корона“.

Генералниот директор на Светската здравствена организација Тедрос Аданом Габриезус вака го започна обраќањето во Женева при што информираше за тоа дека оваа организација започнува кампања против дезинформациите што се шират за коронавирусот.

„Ние мора да се бориме против ширењето гласини и дезинформации. За таа цел, работевме со Гугл за да се осигураме луѓето што бараат информации за коронавирусот да ги видат информациите на СЗО на врвот на резултатите од пребарувањето“.

Тој притоа прецизира дека социјалните мрежи се приклучија кон оваа акција на Светската здравствена организација.

„Платформите за социјални медиуми, вклучувајќи ги Твитер, Фејсбук, Тенсент и Тикток, исто така презедоа чекори за ограничување на ширењето на дезинформациите“.

Светската организација ги повика сите земји да донесуваат одлуки засновани врз факти и соопшти оти е подготвена да им дава помош во врска со тоа какви мерки треба да преземаат со цел да се спречи ширењето на коронавирусот.

Епидемијата што во минатата недела ја прогласи Светската здравствена организација се верува дека се појавила во декември на пазарот за диви животни во кинески Вухан.

Кинските власти деновиве признаа дека имаат проблеми, особено со опрема и средства за третман на заболените во одговорот на смртоносниот коронавирус и оти бројот на починати во понеделникот бил 425 луѓе.

Во истовреме, пораснал и бројот на инфицираните и сега има над 20.000.

Дваесет и три земји досега пријавија околу 150 потврдени случаи на заразени со коронавирусот.

Вирусот предизвикува и негативни последици врз кинеската економија.

Има голем број на откажани или затворени зделки главно од страна на големите светски компании, како и откажувања на многу меѓународни летови од и кон Кина.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG