Достапни линкови

На што може да падне претседателот Трамп?


Трамп може да се соочи со три обвинувања за импичмент
please wait

No media source currently available

0:00 0:02:11 0:00

Трамп може да се соочи со три обвинувања за импичмент

Американскиот претседател Доналд Трамп веројатно ќе се соочи со најмалку три обвинувања за импичмент во Претставничкиот дом кој е под контрола на демократите. Трамп пак по објавата на демократите дека продолжуваат со постапката за импичмент на Твитер изрази уверување дека ќе го победи во битката за негово отповикување.

Процедурата за сменување на претседателот Трамп тече во Претставничкиот дом чие мнозинство го чинат демократите.

Тие за ова би можеле да гласаат кон крајот на овој месец, за потоа постапката да продолжи во Сенатот каде што пак мнозинство имаат републиканците на Трамп.

Спикерката на Претставничкиот дом Ненси Пелоси во четвртокот објави дека побарала да се изготват написи за импичмент против 45-от претседател од страна на Судскиот комитет на Домот.

„Ако не постапевме по ова, пораката до кој било иден претседател, демократ, републиканец, било да е тој или таа, би била: вие можете да правите што сакате. Ако не постапевме по ова, треба да го измените Уставот и да отстраните импичментот, што им беше многу важен на нашите основачи“.

Со какви обвинувања може да се соочи Трамп?

Првиот член од постапката за импичмент најверојатно ќе биде залоупотреба на функцијата и мито.

Трамп е обвинет за злоупотреба на моќта на својата канцеларија со тоа што го замолил украинскиот претседател Володимир Зеленски да отвори истрага за демократот Џо Бајден, неговиот потенцијален противник на претседателските избори во 2020 година.

Вториот член е опструкција на Конгресот.

Имено, одбивањето на Трамп да се придржува кон конгресните покани издадени од иследниците за импичмент на Претставничкиот дом може да претставува основа за обвинение за опструкција на Конгресот.

Претходните претседатели кои беа соочени со импичмент го направија токму спротивното со што покажаа дека јапризнаваат легитимноста на конгресните власти за истраги и импичмент.

Третото обвинување најверојатно ќе биде за опструкција на правдата.

Тоа може да произлезе од извештајот објавен претходно оваа година од страна на специјалниот советник Роберт Мулер.

Мулер одби да препорача обвиненија за пречки против Трамп, но Домот може да го стори тоа, наведувајќи ги настаните наведени во извештајот на Мулер.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG