Достапни линкови

Трамп во Лондон, банкети и протести


Кралски банкет за Трамп во Лондон
please wait

No media source currently available

0:00 0:02:05 0:00

Кралски банкет за Трамп во Лондон

Во рамките на тридневната официјална посета на Британија американскиот претседател Доналд Трамп беше почестен со раскошен државен банкет приреден од кралицата Елизабета. Но во Лондон и протести против Трамп.

Посетата на Доналд Трамп на Британија која е проследена со голема помпа, но и со протести против него е дизајнирана да го зајакне сојузот меѓу двете земји кој е затегнат поради различните ставови во врска со Брегзитот и трговските односи спрема Кина.

Секако и да се потврди безбедносната соработка на 75-годишнината од сојузничкото истоварување на Денот Д во Втората светска војна.

„Г-дине Претседател, како што гледаме кон иднината, уверена сум дека нашите заеднички вредности и заеднички интереси ќе продолжат да не обединуваат. Вечерва прославуваме сојуз кој помогна да се обезбеди сигурноста и просперитетот на нашите народи со децении и за кој верувам дека ќе издржи уште многу години“.

Претседателот Трамп во говорот на раскошниот банкет во негова чест во Бакингемската палата, нарекувајќи ја 93-годишната кралица „одлична жена“ рече:

„Вечерва му се заблагодаруваме на Бога за храбрите синови на Обединетото Кралство и САД кои ги поразија нацистите и нацистичкиот режим и ослободија милиони од тиранијата. Врската меѓу нашите народи беше засекогаш запечатена во таа голема крстоносна војна“.

Државната посета на Трамп на Британија беше ветена од страна на британската премиерка Тереза Меј во јануари 2017 година, кога таа стана првиот странски лидер што се сретна со Трамп, откако тој ја презеде функцијата.

Од друга страна, анкетите на јавното мислење покажуваат дека претседателот на Соединетите држави не е популарен кај Британците.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG