Достапни линкови

Се трага по мотивот за нападот во Торонто


Канадските власти го бараат мотивот за инцидентот во Торонто
please wait

No media source currently available

0:00 0:02:04 0:00

Канадските власти го бараат мотивот за инцидентот во Торонто

Безбедносните служби во Канада ги истражуваат причините за инцидентот во Торонто во кој загинаа 10 пешаци. Според полицијата, возачот намерно го насочил своето комбе во толпата. Сепак, тие исклучуваат негова поврзаност со терористички организации.

Десет лица загинаа, а уште 15 се повредени откако 25-годишниот Алек Минасијан вчера со комбе удри во пешаци во северниот дел на Торонто.

Шефот на полицијата на градот Марк Саундерс рече дека осомничениот во инцидентот не и бил познат на полицијата.

Неговите мотиви засега се непознати, изјави Саундерс, додавајќи дека по се изгледа станува збор за намерен напад.

„Врз основа на изјавите на сведоците, имаме возило што се движеше од север на Јанг Стрит од Финч кон југ, извесно време на тротоари. Значи, многу е јасно само од општа перспектива да се каже дека акциите дефинитивно изгледале оти биле намерни“.

Канадската телевизија објави снимка на која се гледа апсењето на Минасијан откако тој претходно вперува нединетификуван објект кон полицијата.

Канадските медиуми објавија дека Минасијан не бил поврзан со ниту една организирана милитантна група.

Канадскиот министер за јавна безбедност Ралф Гудејл изјави дека не постои никаква опасност за националната безбедност.

„Настаните што се случија на улицата зад нас се ужасни, но тие не изгледаат дека се поврзани на каков било начин со националната безбедност врз основа на информациитедостапни во ова време“.

Инцидентот се случил за време на состанокот во Торонто на шефовите на дипломатиите на земјите на Групата седум индустриски најразвиени земји во светот, Соединетите држави, Британија, Канада, Франција, Германија, Италија и Јапонија.

Канадските власти соопштија дека според првичната истрага не била пронајдена никаква врска меѓу овие два настана.

Инцидентот потсети на нападите со возила во Њујорк, Барселона, Лондон, Ница, Париз, Берлин и Стокхолм, каде што возачи намерно ги наосчуваа нивните возила во пешаци.

Некои од нив и со порака дека станува збор за напади извршени во името на таканаречената Исламска држава.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG