БЛОГ: Македонија избираше градоначалници и советници

октомври 15, 2017

СДСМ прогласи победа во над 40 општини на локалните избори. Нивните членови и активисти слават во Скопје и во други градови.

ВМРО-ДПМНЕ оцени дека изборите поминале со бројни нерегуларности во нефер атмосфера.

ДИК - Демократски и фер избори без инциденти

МВР - Изборите поминаа мирно, без сериозни нарушувања на јавниот ред и мир.

МОСТ - Да се утврди дали институциите соодветно реагирале за изборните неправилности

Цивил - Слободни избори со голем број помали нерегуларности

Печалбари од Центар Жупа на локалните избори

Во општина Центар Жупа синоќа пристигнаа голем број печалбари од Италија за да гласаат за избор на нов градоначалник и Совет на општината. Печалбарите пристигнаа со специјални автобуси и приватни автомобили. Во оваа општина над 70 насто од населението е на печалба претежно во Италија.

МОСТ: Прв прес за текот на гласањето

Според информациите од набљудувачите на граѓанската асоцијација МОСТ отворени се сите гласачки места на кои тие имаат свои набљудувачи.

Досега забележано е дека на гласачко место во општина Струга 1860 на почетокот од гласањето избирачкиот одбор откинал 3 гласачки ливчиња од кочанот заедно со серискиот број , по што гласачите ги ставиле во гласачки кутии.

повеќе тука: https://www.slobodnaevropa.mk/a/28795526.html

Првите три часа од гласањето на локалните избори, на речиси сите избирачки места се одвива без некои посериозни проблеми. Извесни нерегуларности регистрирале набљудувачите на МОСТ.