Претседателот Ѓорѓе Иванов ги повика лидерите на политичките партии утре да дојдат кај него на лидерска средба за да разговараат за мирно надминување на сегашната ситуација.
МВР пратиле специјалци по час и половина во Собранието
По час и половина откога граѓаните од протестот што го организира „За заедничка Македонија“ насилно влегоа во Собранието припадниците на специјалната единица на полицијата влегле во Собранието на Република Македонија и до 20:43 часот биле евакуирани 30 пратеници, соопштија вечерва од Министерство за внатрешни работи.
Меѓународни осуди на насилствата во Собранието
Амбасадорката на ОБСЕ во Македонија Нина Соумалаинен побара запирање на насилствата. Таа на Твитер напиша дека полицијата треба да ја осигура безбедноста на парламентот и на пратениците. Претседавачот на ОБСЕ, Австрија, исто така на Твитер ги осуди и повика на итно запирање на насилствата.
Могерини: „Насилството во Собранието е неприфатливо“
Осуда за денешниот напад и порака дека насилството во Собранието е неприфатливо упатија шефицата на европската дипломатија Федерика Могерини и европскиот комерсар за проширување Јоханес Хан во заедничко соопштение. Могерини и Хан порачаа дека е неопходно смирување и воздржаност и побараа Министерството за внатрешни работи и полицијата да ја осигураат безбедноста на Парламентот и пратениците.
„Министерството за внатрешни работи и полицијата мора да ја осигураат безбедноста на Парламентот и неговите членови. Демократијата мора да истрае. Повеќе: http://www.slobodnaevropa.mk/a/28455890.html