Достапни линкови

Премиера на „Оливер Твист“ на Јаниќиевиќ


Театарската претстава Оливер Твист во режија на Срѓан Јаначиевиќ.
Театарската претстава Оливер Твист во режија на Срѓан Јаначиевиќ.

Како трета премиера во изминативе шест месеци, Тетарот за деца и младинци, во рамките на Скопско лето, ќе ја изведе оперетата „Оливер Твист“ од Чарлс Дикенс според либрето и режија на Срѓан Јаниќиевиќ.

По цела една декада од регионално наградуваната „Зрното грашок и принцезата“, Срѓан Јаниќиевиќ се враќа на сцената на Театарот за деца и младинци со свое видување на една од најпознатите социјални приказни во која на потресен и на реален начин е прикажана судбината на едно од сирачињата на лондонските улици во втората половина на 19 век кога Англија била најголемата колонијална сила. Меѓутоа, режисерот имајќи ги на ум неброените филмски, телевизиски и театарски адаптации, како и мошне успешниот мјузикл од 1968 година, решава класикот „Оливер Твист“, вториот роман на Чарлс Дикенс и прв на англиски јазик чиј главен протагонист е дете, на нашата млада публика да и го претстави како оперета.
Оливер Твист е исклучително комплексно дело со над 60-тина ликови, со комплицирана структура на прикаската, моќно, со силен емотивен набој и со многу жесток однос кон неправдите во општеството во тоа време. За жал и по безмалку 200 години ги гледаме истите или сличните ситуации и денес и мислам дека една од причините зошто го поставуваме ова дело е токму тоа.
Срѓан Јаниќиевиќ.

Тој истакнува дека по прв пат пишува во стих, процес кој и колку да бил забавен толку бил и напорен и тежок, но моќта на стихот, му дозволила во нешто повеќе од еден час да може да ја пренесе целата структура на приказната и сето тоа биде јасно и ефектно.
Режисерот Срѓан Јаначиевиќ.
Режисерот Срѓан Јаначиевиќ.

„Оливер Твист е исклучително комплексно дело со над 60-тина ликови, со комплицирана структура на прикаската, моќно, со силен емотивен набој и со многу жесток однос кон неправдите во општеството во тоа време. За жал и по безмалку 200 години ги гледаме истите или сличните ситуации и денес и мислам дека една од причините зошто го поставуваме ова дело е токму тоа.“

Јаниќиевиќ дополнува дека нему лично „Оливер Твист“ му има извршено многу големо влијание уште како дете и на ниво на некои етички вертикали што и ден денес ги има и на ниво на естетска структура, зошто како што ќе рече, целиот тој викторијански период како на уметник му е особено драг. Дури оди до таму што потенцира дека токму поради таквиот негов однос кон проектот, ова е
Ова е нешто што досега сме го немале како претстава, сме го немале како жанр и доколку сака нашата стандардна публика да не види во едно поинакво светло во кое што досега не нè видела, „Оливер Твист“ е вистинската прилика за тоа.
Драган Довлев, директор на Театарот за деца и младинци.
најверојатно најдобрата претстава што ја направил досега и дека процесот на работа им поминал како во еден здив.

Насловната улога во оперетата ја толкува младиот Бојан Кирковски, а покрај него играат и Изабела Новотни, Наташа Петровиќ, Симона Спировски, Владимир Лазовски, Драган Довлев, Мики Анчевски, Мартин Јордановски и Ненад Митевски – осумте актери кои што ќе треба да оживеат вкупно 26 ликови колку што има во овој несекојдневен проект. Автор на музиката за оперетата е Игор Василев, кој неодамна соработуваше со Јаниќиевиќ и
Театарската претстава Оливер Твист во режија на Срѓан Јаначиевиќ.
Театарската претстава Оливер Твист во режија на Срѓан Јаначиевиќ.
при подготовката на куклената претстава-мјузикл „Малиот принц“ во Турскиот театар во Скопје.

„Користам манири од стари композитори во класичната музика, исто така во модерната музика - од минималистите, но и од поп културата, што мислам дека е важно како информација да го имаат новите генерации публика.“

Сценографијата и костимите се на Кирил Василев (кого мнозина го сметаат за вистински „волшебник“ во овој домен), а актерот и директор на Театарот за деца и младинци Драган Довлев, забележува дека идејата за овој проект не е нова и дека била заокружена со ланското одбележување на 200-годишнината од раѓањето на Чарлс Дикенс. Тој потенцира дека претставата е за децата над 10 години, за оние кои израснале со претставите во овој театар и дека нејзиното поставување е убава авантура која оди во прилог на насушната потреба за развивање на младинската сцена.

„Ова е нешто што досега сме го немале како претстава, сме го немале како жанр и доколку сака нашата стандардна публика да не види во едно поинакво светло во кое што досега не нè видела, „Оливер Твист“ е вистинската прилика за тоа.“

Со оваа оперета Театарот ја заокружува трилогијата премиери на лектирни изданија во која што се и „Грдото пајче“ во режија на Дејан Дамјановски ( декември 2012) и „Пипи - Долгиот чорап“ на Драгана Милошевска Попов, а од септември до крајот на тековната година планирано е да бидат поставени уште две нови претстави – младинската „Нашиот клас“ од Тадеуш Слобоѕијанек во режија на Владимир Милчин и домашната „Бајка за царот Нај“ на Снежана Иљоска – Наумовска што како режисер треба да ја потпише Коле Ангеловски.

Инаку, театарот за деца и младинци, по едногодишна пауза, на 6 јули, со „Пипи – Долгиот чорап“ патува на фестивал во Котор, а по изведбата и во Херцег Нови и потоа на културните манифестации „Три круши“ и во Велес, полусезоната ќе ја заврши со 108 претстави со што наново јуриша на минатогодишниот рекорд.
  • 16x9 Image

    Љупчо Јолевски

    Како новинар, водител и уредник Јолевски во новинарството е безмалку 4 децении. Кариерата ја почнал во Млад Борец на почетокот од 1980-тите. Потем долги години бил во Телевизија Скопје и во Македонското радио - Втора програма, како и во други медиуми. Во Радио Слободна Европа Јолевски е од самиот почеток на емитувањето на програмата на македонски јазик.

XS
SM
MD
LG