Додека во Собранието се одвиваше седница на која на дневен ред беа пратенички прашања, надвор опозицијата ги поставуваше своите прашања од собирот пред Собранието. Кој го наредил исфрлањето на новинарите од собранието на 24 декември, кога власта ќе им овозможи на новинарите да работат во интерес на народот и што планира да направи со континуираниот пад на индустриското производство и економијата во целина, беа дел од поставените прашања.