Достапни линкови

Изложба на Петра Јовановска


Дело на уметницата Петра Јовановска
Дело на уметницата Петра Јовановска

„Коцките се фрлени“ е насловена 13-та самостојна изложба на слики и графики на македонската уметница Петра Јовановска што, од 5 до 17 септември, ќе се одржи во КИЦ во Скопје.

Вкупно 27 дела, слики работени во комбинирана техника и графики во линорез, создавани во периодот од 2007 до средината на оваа година, селектирани од неколку цилкуси, ќе и бидат претставени на ликовната публика на изложбата „Коцките се фрлени“ на Петра Јовановска, што од 5 до 17 септември, ќе се случува во салонот Империјал 2 на Културно информативниот центар во Скопје.
„Коцките се фрлени“ практично се послужив со една позната изрека дека нешто што е направено, речено, дека неможе да се врати назад. Моите дела ги изложувам и очекувам реакција.

„Коцките се фрлени“ практично се послужив со една позната изрека дека нешто што е направено, речено, дека не може да се врати назад. Моите дела ги изложувам и очекувам реакција.“

Петра Јовановска е родена 1972 година во Јесеник, Република Чешка. На Факултетот за ликовна уметност, отсек графика, дипломирала во класата на професор Димче Николов во 1995 година, а ова ќе биде нејзино 13-то самостојно претставување.

„Се претставив со повеќе циклуси, со 14 графики изработени во техника линорез, сите се црно бели, а темата е апстрактна или елементи од лик, од женско тело“, вели уметницата.

Таа дополнува дека како автор и како човек е загрижена за начинот на кој денес живееме и дека тоа се рефлектира врз нејзиното творештво.

„И сакав да направам само некој мал спој меѓу естетиката, меѓу духовното, што во сегашно време многу недостасува и од друга страна брзиот живот, луѓето немаат време да се посветат на себе, на духовното, на ликовното, на културата.“
И сакав да направам само некој мал спој меѓу естетиката, меѓу духовното, што во сегашно време многу недостасува и од друга страна брзиот живот.

Јовановска досега се претставувала и во Полска, Република Чешка, Србија и во Хрватска, а за тамошните поставки и за своите идни проекти забележува.

„Последната изложба беше во Чешка, а претходно во Полска. Веќе имам договорено изложби следната година во Чешка и тоа во замокот каде што живеел и починал познатиот Казанова. Сега работам на нов циклус.“

Отворањето на изложбата ќе биде во 20 часот и 30 минути, а влезот во деновите на нејзиното времетраење е слободен.
  • 16x9 Image

    Љупчо Јолевски

    Како новинар, водител и уредник Јолевски во новинарството е безмалку 4 децении. Кариерата ја почнал во Млад Борец на почетокот од 1980-тите. Потем долги години бил во Телевизија Скопје и во Македонското радио - Втора програма, како и во други медиуми. Во Радио Слободна Европа Јолевски е од самиот почеток на емитувањето на програмата на македонски јазик.

XS
SM
MD
LG