Достапни линкови

Шоле: За договор Косово-Србија се потребни тежок избор и политичка храброст


Специјалниот советник на американскиот Стејт департмент, Дерек Шоле
Специјалниот советник на американскиот Стејт департмент, Дерек Шоле

Во интервју за Радио Слободна Европа (РСЕ), специјалниот советник на американскиот Стејт департмент, Дерек Шоле, изјави дека конечниот договор меѓу Косово и Србија ќе бара „тешки избори“ и „политичка храброст“.

Коментирајќи ја последната одлука на косовските власти да не дозволат движење на автомобили со српски нелегални таблички - КМ, и со обновена регистрација, Шоле рече дека токму тоа е чекорот што не сакале да го видат.

„Кога бев во регионот минатата недела, јасно ставив до знаење дека САД, работејќи со нашите европски партнери, сакаат да излезат од бизнисот со кризна дипломатија, кога би поминувале од една во друга криза за да се фатиме за работа кој ни е при рака, и напредок во дијалогот што го води ЕУ, и со помош на Унијата, кон нормализација, врз основа на взаемно признавање.

Шоле - Треба да се избегнуваат нови кризи на Косово
please wait

No media source currently available

0:00 0:01:47 0:00

Мислам дека овие чекори во последните 24 часа објавени од Приштина не се во согласност со писмото или духот на договорите постигнати на крајот на ноември кои ја спречија претходната криза. Не мислиме дека унилатералната акција треба да се најавува од која било страна во моментов и дека треба да имаме координиран пат напред за да не предизвикаат вакви кризи, кои навистина треба да ги избегнеме, да ни го уништуваат вниманието на важна работа - дијалогот“, рече Шоле.

Во изјава за РСЕ, ден пред посетата на петте меѓународни претставници на Косово, Шоле рече дека тоа е „важен момент“ и изрази надеж дека ќе биде постигнат напредок во процесот на дијалог за нормализација на односите меѓу Косово и Србија. Тој зборуваше и за своите впечатоци при последната посета.

„Видов причини за надеж и разговори и во Приштина и во Белград, но за тоа ќе бидат потребни тешки избори и политичка храброст. И она што сакав да им го објаснам на лидерите и во Приштина и во Белград е важноста што САД ја придаваат на овој процес, надежите што ги имаме во овој процес и потенцијалните можности што можат да дојдат и за Косово и за Србија, доколку тие можат да најдат начин за нормализирање на односите. Мислиме дека евроатланскиот пат е таму и за Косово и за Србија и сакаме да ги видиме на тој пат. Но, ќе биде тешко се додека ова прашање остане нерешено и затоа ќе направиме се што можеме за да се обидеме да го подобриме ова“, рече Шоле.

Тој, исто така, рече дека двете Влади мора да бидат способни да покажат подготвеност за компромис.

„Сметаме дека овие компромиси се можни. Се обидуваме да дојдеме до креативни решенија за да им помогнеме да ги направат тие компромиси. Но, ние исто така сакаме да бидеме јасни за потенцијалниот пат овде. Сметаме дека добрата страна на движењето на овој договор кон нормализација е многу јасна за Косово, многу јасна за Србија. Според мое мислење, несомнено би ги подобрило животите на народите на Косово и Србија доколку тие можат да го решат ова и да ги нормализираат односите во согласност со насоките наведени во предлогот на ЕУ“, вели Шоле.

Тој рече и дека треба да се формира Заедница на српски општини на Косово.

„Ние, Соединетите Држави, ќе продолжиме да им даваме јасно до знаење на нашите партнери во Приштина, јавно и приватно, за важноста што ја придаваме на Заедницата на српксите општини (ASM). Нашиот став е дека тоа е претходна определба која е во согласност со Уставот на Косово и дека не се создава Српска република. Ќе го направиме нашиот дел за да се обидеме да ја демистифицираме Заедница на српски општини на некој начин, бидејќи мислам дека има многу неизвесност за тоа што е таа заедница, а што не е. Ќе бидеме многу јасни за нашите ставови за ова, за важноста што му ја придаваме, и дека тоа нема да биде создавање на ентитет како Српска република во рамките на Косово“, вели Шоле.

XS
SM
MD
LG