Достапни линкови

ХРВ: Унгарската влада злоупотребила лични податоци за политички кампањи


Откако дојде на власт во 2010 година унгарскиот премиер Виктор Орбан ја зајакна државната контрола врз медиумите, судовите, академската заедница и невладините организации

Унгарската десничарска влада ги злоупотребила личните податоци за време на кампањата за изборите годинава, поткопувајќи ја приватноста и нарушувајќи го политичко поле за игра во корист на владејачката партија Фидес на премиерот Виктор Орбан, се вели во извештајот на Хјуман рајтс воч.

Премиерот Виктор Орбан и неговата партија го освоија четвртиот последователен мандат на власт во април со убедлива победа. Откако дојде на власт во 2010 година, Орбан ја зајакна државната контрола врз медиумите, судовите, академската заедница и невладините организации. Тој, исто така, се судри со ЕУ поради наводната дискриминација на ЛГБТ заедницата.

Шест заклучоци од големата изборна победа на Орбан во Унгарија

Во својот извештај „Заробени во мрежа: експлоатација на лични податоци на изборите во Унгарија во 2022 година“, ХРВ наведува дека владата ги пренаменила податоците што ги собрала од луѓе кои аплицирале за услуги за ширење на пораките од кампањата на Фидес.

„Користењето на собраните лични податоци на луѓето за да можат да пристапат до јавните услуги за да ги бомбардираат со пораки за политичка кампања е предавство на довербата и злоупотреба на моќта“, изјави Дебора Браун од ХРВ, додавајќи:

„Унгарската влада треба да престане да ги користи личните податоци за политички кампањи и да гарантира еднакви услови за избори“.

ХРВ: Популистичките автократи се соочуваат со пресвртница

ХРВ во извештајот објавен денеска открива дека личните податоци собрани од луѓе кои се пријавиле за вакцинацијата против ковид-19, аплицирале за даночни бенефиции или регистрирани за задолжително членство во професионално здружение биле користени за ширење на пораките од кампањата на Фидес.

На пример, политички пораки наменети да ги наведат гласачите кон владејачката партија беа примени од луѓе кои ги доставија своите податоци на веб-страница управувана од владата за да се регистрираат за вакцината, рече ХРВ.

ХРВ ја повика Европската унија да утврди дали искористувањето на личните податоци собрани од унгарската влада за политичка кампања е во согласност со законите на ЕУ, особено со Општата регулатива за заштита на податоците на ЕУ.

Хјуман рајтс воч, исто така, ја повика Европската комисија, извршната власт на Унијата, да поведе прекршочна постапка против Будимпешта поради неуспехот на националното тело кое ја надгледува заштитата на податоците да дејствува како независен орган.

Извештајот на ХРВ доаѓа еден ден откако Комисијата предложи милијарди евра од фондовите на Европската унија доделени за Унгарија да останат блокирани поради неуспехот на владата на Орбан да спроведе кредибилни реформи за владеење на правото и антикорупциска.

Орбан вели дека на Унгарија не и е проблем да плаќа гас во рубљи

Орбан, кој одржува добри односи со рускиот претседател Владимир Путин, исто така ги антагонизираше претставниците на ЕУ со нејзините постојани критики за санкциите на ЕУ насочени кон Русија за нејзината војна во Украина.

Орбан продолжува да ги блокира клучните одлуки на ЕУ, како што се исплатата на 18 милијарди евра финансиска помош за Украина и глобалниот даночен договор.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG