Достапни линкови

Претседателски избори - прв круг

Граѓаните денеска гласаа на шестите претседателски избори од независноста на земјата. Во трката се тројца кандидати за функцијата - Блерим Река, Гордана Сиљановска Давкова и Стево Пендаровски.

  • - Заврши гласањето на претседателските избори.
  • - Одзивот до 18:30 часот е 39,71%, а гласањето се одвива без проблеми.
  • - Сите гласачки места беа отворени во 7 часот, освен едно во Студеничани.
  • - Право на глас имаат 1.808,131 граѓани, а гласањето го спроведуваат 80 општински изборни комисии на 3480 избирачки места.
  • - За победа во првиот круг на еден од кандидатите му е потребно мнозинство гласови од вкупниот број избирачи, односно 904.066 гласови.
  • - Доколку никој не ги освои потребните гласови денеска, вториот круг гласање е закажан на 5 мај.
23:25 21.4.2019

Пендаровски – Добив поддршка од мнозинството граѓани на Македонија

Кандидатот на СДСМ, Стево Пендаровски, рече дека добил поддршка од мнозинството граѓани во првиот круг од претседателските избори. Мнозинската поддршка е од граѓани Македонци, Албанци, Турци, Срби, Роми, Бошњаци, Власи и сите други, рече тој, додавајќи дека концептот „Заедно напред“ ќе победи и во вториот круг на претседателските избори на 5 мај.

22:57 21.4.2019

Сиљановска – Давкова: Кандидатите на опозицијата освоија 70 илјади гласови повеќе од кандидатот на власта

Кандидатката на ВМРО-ДПМНЕ на претседателските избори, Гордана Сиљановска – Давкова, вечерва изјави дека опозицијата победила на изборите. Таа рече дека ако се споредат гласовите на власта, односно на Стево Пендаровски, кој е поддржан од СДСМ и од ДУИ, и гласовите на опозицијата, односно нејзините и на кандидатот на Алијансата за Албанците и Беса, Блерим Река, тогаш разликата меѓу власта и опозицијата е 70 илјади во корист на опозицијата.

22:25 21.4.2019

Адеми – Очекувам уште поголема поддршка за Пендаровски во вториот круг

Време е да победи концептот кој ќе отвори нови перспективи и очекувам дека граѓаните ќе дадат поддршка, рече министерот за образование Арбр Адеми, кој е претставник на ДУИ во изборниот штаб на претседателските кандидат Стево Пендаровски, кој е заеднички кандидат на ДУИ и на СДСМ.

Адеми рече дека очекува во вториот круг поддршка за Пендаровски да биде уште поголема.

22:17 21.4.2019

Река: Нема да тргуваме со гласовите на граѓаните

Кандидатот за претседател Блерим река гласа на претседателските избори
Кандидатот за претседател Блерим река гласа на претседателските избори

Кандидатот за претседател поддржан од Алијанса за Албанците и Беса Блерим Река ги оцени како фер и демократски изборите, но посочи изборите покажаа дека немаме ажуриран избирачки список и дека иселувањето од земјава влијаело негативно на изборите односно на ниската излезност. Тој рече дека нема да тргува со гласовите на граѓаните.

Вчитај повеќе

XS
SM
MD
LG