Достапни линкови

logo-print

Коментари - Незадоволство од ДУИ


Лидерот на ДУИ Али Ахмети.

Лидерот на ДУИ Али Ахмети.

Во коментарите на фановите на РСЕ по интервјуто на Ахмети, доминира незадоволството од ДУИ и од нејзиниот прв човек. Читателите се чувствителни и на темата за тоа колку пари се потребни за пристоен живот.

Интервјуто со првиот човек на ДУИ, Али Ахмети предизвика многу коментари на Фејсбук страницата на РСЕ. Доминираат постови со имиња на наши сограѓани Албанци, има и македонски имиња, има многу недоличен јазик, но доминира незадоволството од ДУИ и од нејзиниот прв човек.

Ибраим Ибролимани Лимани, на пример, постирал: „Е, море, Ахмети, после 10 години си почнал да спомнуваш Албанци, а кај беше досега...“, а Хасан Арифи вели: „Сите сме со господин Зоран Заев“. Авди Авдија му се заблагодарува на Ахмети: „На мојот глас само јас имам право. Фала ти за грижата...“ Ава Мериќ го прашува првиот човек на ДУИ што направил за Албанците: „Ти се изнакраде до гуша, твоите најблиски арамии ги запосли, а 95 проценти од Албанците кубурат за леб. Доста играш на национализмот“. Муамед Ќазими коментирал: „Ги унакази Албанците и уште им ги бара гласовите“. Во интервјуто Али Ахмети покрај другото спомнува и странски служби и центри на моќ што го попречувале патот на Македонија во евроатлантските организации, на што Владо Наумов коментирал: „Ако за странски служби ги сметааат граѓаните на Македонија, навистина треба да се плашат Али и девојката му Грујо...“ А Денис Адамов вели: „Досега најмонструм политичар заедно со ВМРО злосторници и уништувачи на Македонија и на народот што живее со сите националности – само тепачки, омрази и убиства...“ А Адо Ризвановиќ се надоврзува: „Државата на народот без разлика на конфесија... со глас да ги казниме“.

Нашите фанови се чувствителни и на прашањето „Колку пари требаат за пристоен живот во Македонија?“, па податокот дека се потребни минимум 520 евра месечно за четиричлено семејство, Роберт Митовски го коментирал вака: „Со 520 евра би биле рангирани меѓу последните 20 држави во светот“, а за синдикатот вели: „Наместо да се бунат, тие си ќутат“. И тука го замешале Сорос, па Горан Младеновски прашува, веројатно мислејќи на нашата редакција: „Колку Сорос ви кешира?“, но Љутви Азизи смета дека „Клучот е во рацете на Зоран Заев“.

  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

Покажи ги коментарите

XS
SM
MD
LG