Достапни линкови

Во Турција спречен воен удар


Властите во Турција објавија дека 160 луѓе се убиени за време на обидот за државен удар, 1440 се повредени, додека речиси 3000 војници се приведени. ЕУ и НАТО со поддршка за актуелната влада во Турција.

Обидот за воен удар во Турција е спречен, а турскиот претседател Реџеп Таип Ердоган објави дека Владата се вратила на чело на државата, дека обидот за преврат на дел од војската е предавство и оти одговорните ќе платат голема цена.

Претседателот Ердоган пристигна во Истанбул неколку часа по почетокот на превратот и ова го кажа во телевизиското обраќање.

Властите денеска објавија дека најмалку 160 луѓе се убиени за време на обидот за државен удар, 1440 се повредени, додека речиси 300 војници се приведени. Пет генерали и 29 полковници, се отстранети од нивните позиции поради сомневање за вмешаност во обид за соборување на владата на претседателот Реџеп Таип Ердоган.

„Група во рамки на војската изврши обид, надвор од синџирот на команда, за соборување на демократски избрана влада", објави канцеларијата на Ердоган во денешното соопштение.

Премиерот Бинали Јилдирим побара денеска да се одржи вонредна седница на парламентот на која ќе се разговара за кризата. Заговарачите на државниот удар користеа тенкови и авиони во текот на ноќта, вклучувајќи и напади врз зградата на парламентот и канцеларијата на претседателот во Анкара. Седиштето на разузнавачката служба на Турција, исто така, беше нападнато во текот на ноќта.

На телевизиите се прикажуваа снимки како војници го окупираат плоштадот Таксим и Босфорскиот мост во текот на ноќта во Истанбул. Премиерот Бинали Јилдирим, изјави оти генералот, кој помогнал да се организира државниот удар бил убиен. Тој го назначен за нов шеф на војската, генералот Уми Дундар, по претходните генерал Хулуси Акар кој беше земен како заложник од заговарачите на државниот удар.

Во Анкара каде се водеа најтешките борби има 42 мртви. Јилдирим изјави дека наредил турските борбени авиони да го соборат секое летало кое беше киднапирано од заговорниците на државниот удар. Ердоган изјави дека заговарачите на државниот удар го бомбардирале хотелот каде што престојувал во одморалиштето во Мармарис.

„Најважно во моментов е дека милиони турски граѓани се на улиците“ во поддршка на Владата. Турција има демократски избрана влада и претседател. Ние сме задолжени и ние ќе продолжиме да ги спроведуваме нашите сили до крај. Ние нема да се откаже од нашата земја пред овие освојувачи. Тоа ќе заврши добро“, рече Ердоган.

Реакции од светот

Во исто време, САД, Европската унија и во НАТО, како и другите важни сојузници излегоа со подршка на неговата влада и побараа враќање на владеењето на правото и демократијата.

Генералниот секретар на НАТО, Јенс Столтенберг излезе со изјава во која го осуди синоќешниот обид за насилно превземање на власта во Турската Република, против волјата на мнозинството на граѓаните на Турција.

„Само што разговарав со турскиот министер за надворешни работи Мевљут Чавушоглу и ги следам настаните во Турција со голема внимателност и со загриженост. Повикувам на смиреност и воздржаност, како и на целосно почитување на демократските институции во Турција и нејзиниот Устав. Турција е ценет НАТО сојузник“, истакна Столтенберг.

Водечката тројка на Унијата: Жан-Клод Јункер од Европска комисија, Доналд Туск од Европски совет и Федерика Могерини, Високиот претставник за надворешна и безбедносна политика на ЕУ, во нивната порака за обидот за воен удар во Турција, земја-кандидат за членство во Европската унија, рекоа дека Турција е клучен партнер за Европската унија.

ЕУ целосно ја поддржува демократски избраната Влада, институциите на државата и владеењето на правото. Апелираме за брзо враќање на уставниот поредок на Турција. Продолжуваме внимателно да го следиме развојот на настаните и да се координираме со 28 земји-членки на ЕУ, порачаа Јункер, Туск и Могерини.

Инаку Ердоган овбини дека зад обидот за државен удар стои муслиманскиот свештеник Фетулах Ѓулен, кој живее во егзил во САД. Ѓулен меѓутоа негираше каква било инволвираност, велејќи дека „владата треба да се добие преку процес на слободни и фер избори, а не на сила“.

  • 16x9 Image

    Мирјана Спасовска

    Родена е во Скопје 1971 година. Од 1996 та година работи во телевизиската кука А1. Од 1998 та година е во телевизијата Телма каде за централно информативната емисија известува за дневни социјално - општествени теми.  Во Радио Слободна Европа е од 2002 та година.  

XS
SM
MD
LG