Достапни линкови

Пораст на болните од дијабетис во Дебар


Регионалниот центар за дијабет во Дебар

Регионалниот центар за дијабет во Дебар

Во општините Дебар, Маврово – Ростуше и Центар Жупа во последните две години има рапидно зголемување на бројот на  болни од дијабетис.

Оваа оценка ја изнесуваат претставниците на Регионалниот Центар за дијабет со седиште во Дебар, според кои со отварањето на овој центар се создаваат поголеми можности за рано откривање на дијабетот.
Според одговорниот лекар на Центарот, интернистот Аџи Куртовски до сега во наведените три општини од најзападниот регион во Македонија се регистрирани над 1700 болни со дијабет, а оваа бројка на болни до пред две години била околу 1000.

„Имаме рапиден пораст на болните од дијабет и тие се третираат како со
Сметам дека бројот на болните од дијабет е многу поголем во споредба со оној кој е евидентиран. Имено, се оценува дека таа бројка е поголема за 60 насто од наведената бројка.
инсулинска така и со орална терапија со таблети. Вкупниот број на болни од дијабет е над 1700 од кои 1200 се на таблети додека над 420 со инсулинска терапија“, вели Куртовски.

Но, според него, бројот на болните од дијабет сигурно е многу поголем.

„Сметам дека бројот на болните од дијабет е многу поголем во споредба со оној кој е евидентиран. Имено, се оценува дека таа бројка е поголема за 60 насто од наведената бројка.“

Споменикот на Скендербег во центарот на Дебар

Кога зборуваме за дијабетот, клучен проблем во регионот е едукацијата на населението. Болните од дијабет во овој регион од земјава дијабетот го откриваат во подоцнежните фази, а не на почетната фаза, кога има можности за поголема контрола на болеста.

„Едукативните програми на населението се неопходни поради што и тие се планираат како такви во иднина. Едукацијата е потреба, особено за ризичните групи и болните од дијабет. Предавањата ќе бидат во насока на помагање на лекувањето на болните, но и превентивната заштита“, вели Куртовски.

Во последно време, покрај овој Центар нагласени активности во насока на едукација на населението има и здружението на дијабетичарите од Дебар кое постои над 10 години. Минатата година тоа здружение организираше повеќе предавања и дебати токму околу дијабетот.
  • 16x9 Image

    Кенан Мимидиновски

    Кенан Мимидиновски, роден 1954 во Дебар. Завршил Правен факултет во Скопје, а со новинарство професионално се занимава 30 години. Најпрвин во Радио Дебар како новинар, а подоцна 12 години и како главен и одговорен уредник . Дописник на Радио Слободна Европа од Дебар е од 2001 година.

XS
SM
MD
LG