Фудбалот е едноставна игра, 22-ца бркаат топка 90 минути и на крајот Германија победува, изјави своевремено најдобриот стрелец на англиската фудбалска репрезентација на сите времиња Гери Линекер. Арно ама, Германија не играла со Македонија. Барем досега.
Со головите на капитенот Горан Пандев на крајот на првото полувреме и на Елиф Елмас во 85-тата минута, Македонија со 2:1 ја победи германската репрезентација на гостувањето во Дуисбург, во третото коло од квалификациите за светското првенство во фудбал 2022. Стрелец за четирикратниот светски првак Германија беше Илкај Гундоган во 63-тата минута од сомнителен пенал. Дополнително, судијата не досуди чист пенал за Македонија, но ни тоа не беше доволно за Германија да се извлече.
Малкутемина македонски навивачи во Дуисбург се собраа пред стадионот да им честитаат на фудбалерите.
Big Party in Duisburg! 🇲🇰 Fans of North Macedonia celebrating after 2-1 victory against Germany 🇩🇪 Their hero: Goran Pandev #GERMKD @SPORT1 pic.twitter.com/9UYW3SWWhk
— Patrick Berger (@berger_pj) March 31, 2021
Дури и на Линекер, кој сега е спортски коментатор, не му се верува.
Good heavens, Germany have lost to North Macedonia.
— Gary Lineker 💙 (@GaryLineker) March 31, 2021
Би-Би-Си на Твитер објави дека целиот свет е обоен во црвено-жолто.
"Tonight the whole world is painted red-yellow!!"
— BBC Sport (@BBCSport) March 31, 2021
Германските медиуми велат не е првоаприлска шега.
Утрово, спортските вести на германската национална телевизија ги почнаа со - Не е априлска шега, Германија е поразена од Македонија, а потоа пуштија и некој инсерт како нашиве, во автобусот, после завршувањето на натпреварот, пеат - Ауфидерзен, ауфидерзен...
— rakurs (@kakoTrotsky) April 1, 2021
Победата на македонските фудбалери им ја честита и неодамна пензионираната германска фудбалска ѕвезда Бастијан Швајнштајгер. Несреќен пенал против нив, не им досудија чист пенал и овие момци победија против четирикратен светски шампион. Капа долу, напиша тој на Твитер.
My respect to North Macedonia 🇲🇰, unlucky penalty against them, clear penalty not given and these guys win their away game against a 4 time world champion. Chapeau #GERMKD
— Basti Schweinsteiger (@BSchweinsteiger) March 31, 2021
Германија не изгубила натпревар во квалификации за светско првенство цели две децении. Македонија, пак, никогаш во историјата не изгубила фудбалски натпревар од Германија. До душа никогаш претходно овие две репрезентации не играле меѓусебно.
Germany%27s only two World Cup qualifying defeats since 1985:2001: 1-5 England2021: 1-2 North Macedonia pic.twitter.com/Gg0CgqycNP
— bet365 (@bet365) March 31, 2021
На македонската јавност толку ѝ требаше да заборави на рекордниот број заболени од коронавирус, барањето место повеќе во болница и конфузијата околу процесот на вакцинација.
Љуби их мајка pic.twitter.com/zpDcolGkKd
— Патлак илити пиштол (@posleDIKnaPIK) March 31, 2021
Мојата вакцина на Елмас дајте му ја.
— Госпо (@TheRealRubinBt) March 31, 2021
Социјалните мрежи вријат од коментари за големата победа на македонските фудбалери. Некои славенички, некои хумористични, некои зајадливи. Интересни фотомонтажи поврзани со победата се споделуваат на Фејсбук и на Твитер. Некои во поетски занос ја споредуваат победата со „љубењето на Дениција“ од стиховите на Петре М. Андреевски.
Чекајте малку другари: Да ги тепаш Германците во фудбал во гости е како во 90-тите во скок со стап Бубка да скокне 6.14, а ти да скокнеш 8.46Не ми се верува.Ова некој да ми го кажеше пред 5 години, ќе се тепав со него!
— Виктор Стевич (@Viktor_Stevich) March 31, 2021
#новоМКзнамеГерманија - Македонија 1:2 pic.twitter.com/NT0rRQ1zSi
— Neb. Gelevski - Bane (@banekoma) March 31, 2021
Ајде момци утре против ГерманијаИграјте за нас, играјте за себе, играјте за Македонија, играјте до смрт ...🇲🇰 pic.twitter.com/YWelSuR0OX
— AdeMacedonia ✪ (@AdeMacedonia) March 30, 2021
Не брат играме како Македонија ! Ак игравме како Бразил ќе изгубевме 7-1. 😉 pic.twitter.com/d4oNco0LOX
— Црниот од Германија🇩🇪 (@FarbanCrn) March 31, 2021
Дел од граѓаните потсетуваат дека ниедна македонска телевизија не го пренесуваше натпреварот. Телевизиските права за натпреварите ги има спортската телевизија Спортклуб.
Ако можи некој хајлајтсите да ги стави на јутјуб, за нас сиромасите што немаме спорт клуб. Фала.
— Man (@goranman2) March 31, 2021
Историски меч којшто не го пренесуваше ниту една национална телевизија.
— Dime (5,25044 ден.) (@DimeS10cent) March 31, 2021
Се појавија коментари за името, знамето, идентитетот, националната гордост. За некои Берлин беше освоен во Дуисбург, за други ова е најголемата победа по таа над Персија.
Берлин во моментов pic.twitter.com/Z5Wb2jRynN
— %27903 (@NebesenMir) March 31, 2021
Makedonci nalupali Švabe gore neg%27 četrestpete.Bravo, Makedonija.
— Bosanski Bukvalista (@SolzenjicinH) March 31, 2021
Пандев стана најстариот Македонец што ги поразил Германците... респектабилното второ место останува кај генерал Михајло Апостолски.
— Бапчо (@TheFitzzz) March 31, 2021
Моето најомилено ново меме pic.twitter.com/PQq0s9st7p
— w e d n e s d a y (@zaboleme_kurac) March 31, 2021
Други велат дека Германија прими две дози од Македонија.
Трети, пак, иронизираат дека македонските фудбалери играле како невакцинирани.
— Џиги (@dzigi7) March 31, 2021
По три одиграни кола во квалификациите, Македонија е втора во групата Ј со 6 бода, пред Германија која има ист број бодови, но послаба гол разлика. Прва во групата е Ерменија со 9 бода. Романија и Исланд имаат по 3, а Лихтенштајн е без бодови.