Изгубени во набавката на вакцини

Македонските власти цел месец даваат контрадикторни изјави околу набавката на вакцините. Прво ги полагаа сите надежи во ветените вакцини преку КОВАКС механизмот на СЗО, но откако се покажа дека тие нема да стигнат набрзо, почнаа да размислуваат за алтернативи, во време кога речиси целиот регион почна со вакцинација. Сега Македонија се надева на неколку илјади вакцини кои ќе го добие од соседите, откако премиерот во декември тврдеше дека неколку илјади не значат ништо. Министерот за здравство Венко Филипче вчера рече дека се размислува за набавка на кинески вакцини, откако само три дена претходно премиерот Зоран Заев рече дека Македонија сака западни вакцини, зашто е членка на НАТО.