Заев и Димитров како Естрагон и Владимир, а датумот за преговори со ЕУ како Годо од познатата драма на Семјуел Бекет е една од поинтересните досетки на социјалните мрежи, по најавите дека Франција ќе блокира почеток на преговори за Македонија со Унијата.
Попрво Годо ќе го дочекаме, од колку датумот.
— Zoran S. (@voxmkd) October 14, 2019
Меѓу луѓето главно владее разочарување, а во коментарите не може да се скрие цинизмот и апатијата, особено по студениот туш од францускиот претседател Емануел Макрон во стилот на средношколско раскинување – не е до вас, нам ни треба повеќе време.
@SDSMakedonija и датумо за #ЕУ! pic.twitter.com/tjWDqOF6nj
— r00t~# (@mac3d0n) October 14, 2019
Дел од поддржувачите на владата сè уште се обидуваат да шират оптимизам, дел од нејзините противници ликуваат, сметајќи дека тоа е само неуспех на владата, а не и на државата, додека се чини дека најголемиот дел се чувствуваат како бадијала да го менувавме името. Некои потсетуваат дека владата лани го прослави добивањето на датумот, па цинично прашуваат како тоа сега нема датум.
Во авион штотуку примив одлична вест... Република Македонија доби датум за старт на преговори за членство во ЕУ! pic.twitter.com/pg1oGyZpvO
— 🤡 (@zumate_zumate) October 10, 2019
Можда Макрон кажал не, ама сепак ќе ни остане прославата за датум од лани.Така да не е се изгубено.
— Man (@Goran_Man) October 16, 2019
Го враќам името, џабе го сменив. Не помогна.
— Waterloo (@VlatkoVasilj) October 16, 2019
На лист на овие тројца овца да им нацрташ ќе ја загубет. Не пак датум pic.twitter.com/my4xatAtQJ
— ЈуримТе СоКолов (@NaUmotZijan) October 17, 2019
Премиерот Зоран Заев пред неколку дена рече дека „верува до небо“ дека ќе добиеме датум.
Не ја гасете светлата ѕвезда кон која се стремиме. Не станувајте нашата пречка. Бидете нашите херои. Почетокот на преговорите ќе ни помогне да поттикнеме уште посилен ангажман, да создадеме повеќе работни места и да ги задржиме младите дома, ангажирани и посветени.
— Зоран Заев (@Zoran_Zaev) October 16, 2019
Александар Николоски од ВМРО-ДПМНЕ, пак, ја обвини владата за неспособност.
Владата на Заев има катастрофално неспособна дипломатија, затоа што со променето име, штетен договор со Бугарија и со сите национални концесии кои ги направија не може да добијат датум за преговори, а камо ли да почнат со преговори за членство во Европската Унија. pic.twitter.com/ba2B0qusfi
— Aleksandar Nikoloski (@AlexandarMKD) October 15, 2019
Министерот за надворешни работи Никола Димитров споделува мисли на Жан-Пол Сартр.
Нему му одговори поранешната министерка за култура Ганка Самоиловска Цветанова.
Димитров го цитираше Жан-Пол Сартр откако Македонија не доби датум за преговори: „Само тој што не весла има време да го ниша чамецот.”Еве јас ќе го цитирам Петре М. Андреевски - @NDimitrovMK, "КАСНИ - ПОРАСНИ". pic.twitter.com/caV5cMoYCS
— Ganka Cvetanova (@gankacv) October 15, 2019
Се чини дека најголемиот дел од луѓето разочарувањето го вртат на смеа.
#Датум pic.twitter.com/SmGVxc20S9
— Фортификација (@Fortifikacija) October 15, 2019