Култната шалтер сала на Пошта, илустрација за пропаѓањето на ова претпријатие

Двесте административци во главната дирекција на „Пошта“, а на некои работни места, работници „ни за лек“. Пратките доцнат, реформите исто така, а систематизацијата треба да биде готова на почетокот на идната година. Директорот на АД „Пошта“, Орхан Куртиши за РСЕ вели дека очекува и новите законски измени што се во тек, да придонесат за подобра финансиска кондиција. Во меѓувреме, вработените на шалтерите работат во небезбедни услови, додека врз нив паѓаат капки при секој дожд, но понекогаш, како што се пожалија, паѓаат и делови од таванот.