Гласање во првиот круг од претседателските избори

Гласачко место, проверка на списокот

Граѓаните на Северна Македонија бираат шеф на државата кој ќе ги води во следните пет години.

Во изборната трка има седум кандидати, а за победа во првиот круг е потребно кандидатот да освои гласови на повеќе од половината од вкупниот број регистрирани гласачи.

Ако не се избере Претседател во првиот круг, ќе има втор круг, на 8 мај, заедно со парламентарните избори.

На гласачките места во Северна Македонија кои се отворија изутрината на 24 април во 7 часот, граѓаните ќе можат да го дадат својот глас за еден од седумтемина кандидати за Претседател на државата

Ова се избори со најголем број на кандидати во историјата на претседателските избори

Право да гласаат за својот фаворит имаат 1.814.317 граѓани

Вкупно има 3480 избирачки места во целата земја  

Гласањето се одвива мирно и без пријавени неправилности на сите избирачки места

На сите гласачки места се гласа од 7 до 19 часот

Изборите ги следат 915 домашни набљудувачи, 544 меѓународни, и 58 странски новинари

Претседателските избори беа распишани на 14 февруари. Во согласност со податоците од ДИК, 7 од вкупно 15 кандидати ги собраа неопходните потписи за учество на претседателските избори