Повеќе од еден месец по бруталното задушување на демонстрантите во Иран, контроверзни извештаи за неидентификувани женски трупови во мртовечница предизвикаа возбуда во Техеран, јавува германската новинска агенција ДПА.
Иранскиот пратеникот Мохамед Сераџ, потврди дека телата на 50 неидентификувани жени остануваат во мртовечница во главниот град.
„Никој не дојде да ги бара, а тие немаа лични документи со нив“, изјави тој за иранската новинска агенција ИЛНА.
Коментарите се спротивни на соопштението од Иранската организација за правна медицина, во која се вели дека сите жени убиени во „немирите“ се идентификувани, а нивните останки се предадени на роднините.
Видете и ова: Дали Иран ќе се откаже од ракетната програма за да постигне договор?Контроверзноста датира од извештајот објавен минатата недела од страна на здружението на студенти по социологија на реномираниот универзитет Тарбијат Модарес, во кој се тврди дека трупови се чуваат во мртовечница во главниот град.
„Кои беа овие 50 жени кои остануваат во мртовечницата на Техеран до денес?“, е прашањато поставено во соопштението, кое беше објавено на Телеграм.
„Една жена цврсто ги стегна забите, а целото лице ѝ беше покриено со крв. Стравот и гневот сè уште беа видливи на нејзиното лице“, се додава во соопштението.
Според американската новинска агенција „Активисти за човекови права“ (HRANA), повеќе од 7.000 луѓе беа убиени во бруталното задушување на протестите во декември и јануари, вклучувајќи околу 6.500 демонстранти.
Според извештаите, повеќе од 50.000 луѓе беа уапсени. Иранската влада се обиде да прикаже поинаков наратив, тврдејќи дека платеници најмени од САД и Израел извршиле терористички напади низ целата земја. Според официјалните бројки, 3.117 луѓе беа убиени во немирите.