Вкупно 10 пожари на отворен простор биле евидентирани денеска (22 септември) до 12 часот на територија на државата. Четири се активни, три се ставени под контрола, а останатите се изгаснати, информираа од Центарот за управување со кризи (ЦУК).
Сѐ уште се активни пожарите на планините Кожуф и Добра Вода во општините Гевгелија и Македонски Брод. На Кожуф кај село Петрово гори букова шума, а на Добра Вода опожарена е ниска вегетација.
Видете и ова: Пожар кај аквадуктот во Скопје, Ангелов: ставен е под контрола, но пожарникарите биле попречуваниШума гори и во село Брест, Малино маало во општина Чучер Сандево.
Четвртиот активен пожар е во регионот на општина Бутел. Нискостеблеста вегетација гори на булевар „Словенечка“, во близина на аквадуктот.
Под контрола се два пожари во Гази Баба и еден во Студеничани. Во село Трубарево опожарен бил електричен отпад, во село Виниче - место викано „Муратица“ горела нискостеблеста шума, а во село Батинци - ниска вегетација и мешана шума.
Видете и ова: Пожар над Батинци, Ангелов: Имаме целосна контрола, постојат сомнежи за подметнувањеИзгаснатите пожари биле на територија на општините Струмица, Кочани и Тетово. Во селата Банско и Бели гореле депонии, а во Тетово опожарено било ѓубре.