Украина остро го критикуваше онлајн појавувањето на американскиот филмски режисер Вуди Ален на Меѓународниот филмски фестивал во Москва.
„Учеството на Вуди Ален на Московската меѓународна филмска недела е срам и навреда за жртвата на украинските актери и режисери кои беа убиени или повредени од руски воени злосторници во нивната тековна војна против Украина“, напиша Министерството за надворешни работи во Киев на социјалните мрежи во понеделник.
„Ален избира да ги затвори очите пред злосторствата што ги извршува Русија во Украина секој ден веќе 11 години“, се вели во соопштението, осврнувајќи се на анексијата на Крим од страна на Москва и дестабилизацијата на источна Украина во 2014 година.
„Културата не треба да се користи за прикривање на злосторствата или да служи како алатка за пропаганда“, додаде министерството.
Ален беше поканет да зборува на 47-то издание на фестивалот во недела. Настанот го модерираше про-кремљскиот режисер и актер Фјодор Бондарчук, кој е предмет на западни санкции поради неговата поддршка на војната против Украина
. Во интервјуто, Ален наводно го изразил своето восхитување кон таткото на Бондарчук, режисерот Сергеј Бондарчук.
„Отсекогаш ми се допаѓало руското кино“, изјавил Ален, јавуваат московските медиуми.
89-годишниот режисер го избегна прашањето дали сака да снима во Русија, а исто така се воздржа и од каков било политички коментар, јавува германската новинска агенција ДПА.