Шест лица загинаа, а девет се повредени откако туристичка подморница потона во Црвеното Море за време на излет кај египетското летувалиште Хургада, соопштија египетските власти.
Во подморницата имало 45 туристи од различни националности, соопшти властите на административно територијалната единица Црвено Море.
Патниците ги разгледувале коралните гребени.
Ваквите патувања претходно беа вообичаени, но повеќето се суспендирани поради заканата од војна во јужниот регион на Црвеното Море, пишува АП.