Кина ги повика Соединетите Држави да покажат „взаемна почит“ во управувањето со трговските тензии, откако американскиот претседател Доналд Трамп рече дека трговскиот договор со Пекинг е „можен“.
Еден месец по неговиот мандат, Трамп се закани со огромни царини и за сојузниците и за противниците, вклучително и Кина.
Сепак, тој во средата посочи дека трговскиот договор со Пекинг е „можен“, додавајќи дека САД се согласиле на „голем трговски договор со Кина“ уште во 2020 година.
Видете и ова: Трамп вели дека е можен трговски договор со КинаНа прашањето за изјавата на Трамп, кинеското Министерство за надворешни работи рече дека двете земји „треба да ги решат своите грижи преку дијалог и консултации засновани на еднаквост и меѓусебно почитување“.
„Трговските и царинските војни немаат победници и служат само да им наштетат на интересите на луѓето ширум светот“, рече портпаролот на министерството Гуо Џиакун на редовната прес-конференција и додаде:
„Ние цврсто се спротивставуваме на методите на американската страна за еднострано зголемување на царините“, рече Гуо, додавајќи дека Кина „ќе продолжи да ги презема неопходните мерки за одлучно да ги поддржува своите легитимни интереси“.
Кинеското Министерство за трговија, исто така, го повика Вашингтон да не користи „високи царини“ против Пекинг.
„Кинеската страна ја повикува американската страна да не користи високи царини на секој чекор, царини како алатка за принуда насекаде“, рече портпаролот на Министерството за трговија Хе Јадонг на редовната прес-конференција во Пекинг.
Трамп на почетокот на февруари воведе дополнителни царини од 10 отсто за сите производи увезени од Кина. Тој, исто така, потпиша извршни наредби за воведување нови царини од 25 отсто за челик и алуминиум, кои треба да стапат на сила во март.
Здружението на кинеската челична индустрија предупреди дека овој потег најверојатно ќе има „негативно влијание“ врз секторот.