Бомбаш-самоубиец уби пет лица, вклучително и припадници на талибанските безбедносни сили во експлозија пред банка во северен Авганистан, соопшти полицијата.
„Бомбаш-самоубиец, кој имал на себе импровизирани експлозивни направи, ги активирал во близина на банката на Кабул“, изјави Џумадин Хаксар, портпарол на полицијата во провинцијата Кундуз.
Засега никој не ја презеде одговорноста за нападот. Хаксар додаде дека полицијата работи на пронаоѓање на оние кои го организирале нападот, без да даде повеќе детали.
Видете и ова: Владата на Талибанците во Авганистан станува главен противник на ПакистанМилитантите од групата Исламска држава извршија бомбашки напади низ Авганистан, иако самоубиствените напади станаа поретки откако Талибанците ја презедоа власта во август 2021 година, бидејќи силите на САД и НАТО се повлекоа по 20 години војна.
ИД, исто така, ги нападна малцинските шиитски муслимани, особено во Кабул.
Последниот напад се случи два месеци откако во самоубиствен бомбашки напад во Кабул загина Калил Хакани, талибанскиот министер за бегалци и уште двајца други. Тоа беше најдиректниот напад врз член на внатрешното раководство на Талибанците, откако тие се вратија на власт.