Времето денеска ќе биде променливо облачно со сончеви периоди, а по котлините со магла и со ниска облачност. Минималната температура ќе биде во интервал од -3 до 3, а максималната ќе достигне од 8 до 16 целзиусови степени, соопштија од Управата за хидрометеролошки работи (УХМР).
Во Скопје времето ќе биде променливо облачно, наутро со магла и претежно тивко.
Во наредните денови ќе продолжи периодот на стабилно, а особено на повисоките места и на планините и релативно топло време. Висината на снежната покривка позначително ќе се намалува од средината на следната недела.
Повремени врнежи од дожд претежно во западните делови ќе има од среда.